SAN JOSE, Antique, Oktubre 18 (PIA) - - Ginsaulog kang mga pangulohan lokal pinaagi sa pagpasakup sa ginhiwat nga Knowledge Exchange Forum, Local Governance Quiz kag Exhibit, ang ika-28 nga anibersaryo kang pagpasar kang Local Government Code (LGC) bilang isa ka laye.

Ang Republic Act 7160, kilala bilang Local Government Code of 1991, ginpirmahan kang tuig 1991 para sa pagpahamtang kang responsive kag accountable local government structure nga napasad pinaagi sa sistema nga ginatawag decentralization.

Ginpabutyag ni Department of the Interior and Local Government-Antique Provincial Director Cherryl P. Tacda nga ang DILG kag ang Antique Local Governance Provincial Resource Center nagpatigayun kang mga aktibidades nga may katuyuan sa pag tau igtalupangud sa mga kaayuhan nga naamut para sa pag uswag kang mga pangulohan local sa probinsya, kag lakip ang pagpataas kang lebel kang ihibalo kang publiko bahin sa Local Government Code.

Ang kahiwatan ginpatigayun sa University of Antique (UA) Multi-purpose Convention Center sa munisipalidad kang Sibalom kag ginpasakupan kang mga Municipal kag Barangay officials, Sangguniang Kabataan officials, estudyante kag iban pa nga sektor kang kumunidad.

Ang Knowledge Exchange Forum nagtau importansya sa kadalag-an kang probinsya sa patag kang local legislation kag dya ginpresentar ni Secretary to the Sangguniang Palalawigan J.T. Gabin kag sa bahin ni Mayor Elmer C. Untaran, ana man nga ginpresentar ang mga best practices kang munisipalidad kang San Jose de Buenavista nga nakabaton kang Seal of Good Local Governance for three consecutive years.

Ang quiz contest naghangkat sa kinaalam kag ikasarang kang mga municipal, barangay kag SK officials bahin sa local governance.

Si Marjorie M. Ballenas, Administrative Officer III kang Minicipalidad kang Sibalom, ang nagpanguna sa quiz contest sa Municipality category, kag ginsundan ni Sharon Rose Gallego, Local Treasury Operations Officer, Municipal Treasurer's Office kang T. Fornier; kag third- Victor Soria, Municipal Accountant kang munisipalidad kang Libertad.

Sa Barangay category quiz contest: first- Joan Buton, Barangay Secretary, Catungan IV, Sibalom; second- Jimmy Verano Punong Barangay, Ilabas, Sibalom; kag third- Maria Gleda Escobar, Barangay Secretary, Barangay Poblacion, Belison.

Kag sa SK Category: sanday Jovelyn A. Pelone, Rondick J. Mabuha and John Paul A. Loyola kang UA College of Arts and Sciences ang napasidunggan para sa nahauna nga lugar; ginsundan nanday Arnel C. Yaranon Jr., Rodin Vallido , kag Madelyn E. Morillo kang UA-BSCE; kag third place- Diana Rose G. Lampasa, Cherry Lyn V. Estolano, kag Jenny Joy M. Hermogenes kang UA-College of Education. (JBG/VWV/PIA Antique)